Ադրբեջանի կողմից Արցախում մարշալ Խանփերյանցի (Խուդյակով) հուշակոթողի պղծման նոր ապացույցներ

Սոցցանցերի ադրբեջանական օգտատերերից մեկը Ադրբեջանի կողմից ժամանակավորապես բռնազավթված Հադրութի շրջանի Մեծ Թաղեր գյուղում մշակութային վանդալիզմը ևս մեկ անգամ փաստող նոր տեսանյութ է հրապարակել։

Տեսանյութը ևս մեկ անգամ, արդեն անհերքելի ապացույց է այն փաստի, որ ադրբեջանցիների վանդալիզմից խիստ տուժել է Հադրութի շրջանի Մեծ Թաղեր գյուղում ԽՍՀՄ հերոս, ծնունդով Մեծ Թաղեր գյուղից մարշալ Արմենակ Խանփերյանցի ՄիԳ-17 կործանիչը։ 

Տարածված տեսանյութը ակնհայտ կերպով ապացուցում է, թե ինչպես է կողաշրջված, ջարդված վիճակում գտնվում մարշալի հիշատակը խորհրդանշող կործանիչը։ Ավերված և խղճուկ վիճակում են գտնվում նաև կործանիչի հարակից տարածքում գտնվող շենքերը։

Մարշալ Խանփերյանցի կիսանդրու, տուն-թանգարանի և այդ տարածքում գտնվող կործանիչի նկատմամբ մշակութային վանդալիզմը արձանագրել էինք դեռ ամիսներ առաջ։ Համեմատելով Մեծ Թաղեր գյուղի մի քանի տարվա կտրվածքով արբանյակային լուսանկարները՝ հայտնել էինք, որ, բացի ՄիԳ-17 կործանիչից, ադրբեջանցիները ոչնչացրել են մարշալ Արմենակ Խանփերյանցի կիսանդրին։ Տարածված տեսանյութը՝

Ադրբեջանցիների կողմից սա առաջին դեպքը չէ, որ նպատակաուղղված կերպով ոչնչացնում, ավիրում, ջարդում են նաև Երկրորդ աշխարհամարտին նվիրված հուշարձանները։

2-րդ Համաշխարհային պատերազմին նվիրված հուշարձանների ոչնչացման, պղծման այլ դեպքերի հետ կարող եք ծանոթանալ այս նյութերում։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով