«Պատերազմ» հայկական խաչքարերի դեմ

Արցախյան երկրորդ պատերազմի ընթացքում և ավարտից հետո Ադրբեջանի վերահսկողության տակ անցած տարածքներում պարբերաբար ոչնչացվում և թիրախավորվում են հայկական մշակութային ժառանգության օբյեկտները:

Խաչքարերի ոչնչացման և պղծման դեպքերը փաստող տեսանյութեր և լուսանկարներ պարբերաբար հրապարակվել են ոչ միայն սոցցանցերի ադրբեջանական օգտատերերի, այլ նաև պետական, հանրային և իշխանական լրատվամիջոցների կողմից:

Ոչնչացված խաչքարերի տեսանյութեր և լուսանկարներ

Հադրութի շրջան

Պատերազմից հետո հրապարակված տեսանյութերից մեկում ադրբեջանցի զինվորականները պղծում և ոչնչացնում են Արցախի Հանրապետության Հադրութի շրջանի Առաքել գյուղի (ներկայումս բռնազավթված Ադրբեջանի կողմից) հայկական խաչքարը:

Destruction of Armenian cultural and religious heritage in Artsakh goes on.

Azerbaijani soldiers take TikTok videos showcasing the destruction of Armenian churches and cross-stones while the world watches in silence. pic.twitter.com/vhMGVKMXn1

— Karabakh Records (@KarabakhRecords) January 12, 2021

Արցախի բռնազավթված տարածքներում մշակութային վանդալիզմի հերթական դրսևորումն է նաև Հադրութի շրջանի Ուխտաձոր գյուղի խաչքարի ոչնչացումը:

A video posted by an Azerbaijani user showcases another case of #AzerbaijaniVandalism — a khachkar was destroyed in Ukhtadzor, Hadrut region.👇🏼 pic.twitter.com/rWNKCyVGAc

— Karabakh Records (@KarabakhRecords) April 16, 2021

Հայկական հուշարձանների ոչնչացման բազմաթիվ դեպքերից ևս մեկն արձանագրվել է պատերազմի ընթացքում՝ հոկտեմբերի 7-ին, Ադրբեջանի Հանրային հեռուստատեսության՝ բռնազավթված նախկին ԱԽՍՀ Ջաբրայիլի շրջանից հրապարակած տեսանյութում:

Ադրբեջանցիները պղծել են նաև Հադրութ քաղաքի Արցախյան գոյամարտում Հադրութի շրջանի զոհված զինծառայողների հիշատակին նվիրված հուշահամալիրի խաչքարը: Սոցցանցերում տարածված տեսանյութում ադրբեջանցիները կրակահերթ են բացում հուշահամալիրի խաչքարի վրա: Հադրութի բռնազավթումից հետո ադրբեջանցիները պղծել են նաև հուշարձանը: Այն պատված է ադրբեջաներեն գրություններով:

Քաշաթաղի շրջան. Որոտան (Կուբաթլու)

Ադրբեջանցիների կողմից իրականացված մշակութային վանդալիզմի հերթական օրինակը: Ադրբեջանի ՊՆ-ի հրապարակած տեսանյութում բացակայում է Որոտան (Կուբաթլու) քաղաքում գտնվող խաչը: Ադրբեջանցիները պղծել են հուշարձանը,  հանել՝ խաչը: 

Another act of #CulturalGenocide by Azerbaijani Armed Forces.

Christian Cross standing in the middle of Sanasar| Kubatlu city in memory of the martyrs of 1st #KarabakhWar was destroyed & displayed in the official “liberation” video by 🇦🇿 MoD (01:53).#RecognizeArtsakh ❗️ pic.twitter.com/PsDBcUSQap

— Karabakh Records (@KarabakhRecords) October 26, 2020

Մարտունու շրջան. Վարանդա (Ֆիզուլի)

Ադրբեջանցիները ավերել են նաև Վարանդայում (Ֆիզուլի) գտնվող խաչքարը (39.588109,47.159294,19):

Մարտակերտի շրջան. Թալիշ

Ադրբեջանի վերահսկողության տակ անցած Մարտակերտի շրջանի Թալիշ գյուղը նույնպես դարձել է մշակութային վանդալիզմի զոհ: Ադրբեջանցիները գյուղում պղծել են «Վերածնված Թալիշ» հուշարձանը:

Ռուսական «Կոմերսանտ» թերթի թղթակից Կիրիլ Կրիվոշեևը, որը պատերազմից հետո այցելել էր Արցախի բռնազավթված տարածքներ, ֆեյսբուքյան իր էջում գրառում է կատարել, նշելով, որ  «խաչքարերի մեծ մասը ոչնչացվել է»: 

https://mobile.twitter.com/karabakhrecords/status/1334591384511188993