Հայերին դեմոնիզացնող և դեհումանիզացնող կոչեր սոցցանցերի ադրբեջանական տիրույթում

Պատերազմի ընթացքում և հետո տարբեր սոցիալակն ցանցերում ադրբեջանական օգտատերերի շրջանում բոլոր հայերին սպանելու, ոչնչացնելու կոչերին զուգահեռ (այս մասին տե՛ս մեր նախորդ նյութում) նկատվել են նաև կազմակերպված կերպով հայերի կերպարը դեհումանիզացնող և դեմոնիզացնող կոչեր:

Հայ ազգին «նկարագրելու» համար մասնավորապես կիրառվել են «թշնամի», «ֆաշիստ», «ահաբեկիչ», «դժբախտ ցեղ», «մանկուրդ», «մոլախոտ», «վամպիր», «նողկալի հարևան», «անբարոյական» և այլ նմանատիպ ակնհայտ բացասական, վիրավորական և ռասիստական բնույթի եզրույթներ:

Հարկ է նշել, որ նմանատիպ կոչեր, ելույթներ և հայտարարություններ պարբերաբար հնչել են նաև ադրբեջանցի պաշտոնյաների կողմից, ինչին կանդրադառնանք ավելի ուշ:

Հայերին թիրախավորող ռասիստական գրառումներ

16.10.2020թ․ – Nargiz․

«Երկրի երեսին անմարդկային արարքների առումով հավասարը չունեցող ազգին, ամենաատելի թշնամուն ենք հանդիպել։ Մենք հայերին ֆաշիստ են ասում, սակայն ֆաշիստները նրանց հետ համեմատած խեղճ են․․․»

17․10․2020թ․ – Güler․

«Ֆաշիստնե՛ր, ահաբեկիչնե՛ր, այստեղից հեռացե՛ք։ Այն աստիճան դժբախտ ցեղ եք, որ հարձակվում են անզեն մարդկանց վրա, մոլախոտի պես տարածվում աշխարհում, մանկուրդ հայ անամոթնե՛ր։ Աստված ձեզ փորձանք տա, վայրագնե՛ր»։

17.10.2020թ. – Nigar Veliyeva.

«Հայը վամպիրի պես խմելու է մեր արյունը, հետո մի հրադադարով մեր ցավը կանցնի՞…»

04․10․2020թ․ – Aydan.

«Ադրբեջաներենում մենք չեն ասում «հայ», մենք ասում ենք «անբարոյական, անպետք, ապօրինի ծնունդ, անամոթ, անպատկառ, ահաբեկիչ»․․․ Եվ ես կարծում եմ՝ դա հիանալի է»։

04․10․2020թ․ – Kefsiz İsgəndər.

«Տեսնես, որպես ժողովուրդ, որն է այդ ծանր մեղքը, որ քանի դար է՝ այս նողկալի հարևանի հետ ենք ապրում»։

29․09․2020թ․ –  İTV ՀԸ հաղորդավար Ջալե Հասանլը․

«Ա՛յ ոչինչ չունեցող դժբախտներ, ա՛յ սրա-նրա ունեցածի վրա աչք դնող զավթիչներ։ Իմ երակներում Ադրբեջանի թուրքի արյուն է հոսում։ Այդ արյունը չի փոխվում, ադրբեջանցի լինելը պատվաբեր է, հայ լինելը՝ վիրավորանք։ Խնդրում եմ ինձ մի՛ վիրավորեք»։

28.12.2020թ. – BEN AZERİ.

«Հայերը ազգ չեն, մենք նրանց մարդ չենք համարում. ավելի լավ կլինի նրանց անվանել հայկական լաթ👍»:

29.12.2020թ. – 𝓘𝓵𝓪𝓱𝓮 𝓜𝓮𝓶𝓶𝓮𝓭𝓸𝓿𝓪.

«Վախենում եմ իմ ազգի այն ադրբեջանցիներից, որոնք հայի արյուն են կրում…»

28.12.2020թ. – BEN AZERİ.

«Գնչուները արժանապատիվ ազդեցիկ մարդիկ են, իսկ հայերը հոտ են: Նրանց մոտ գոյություն ունեն ավագների խորհուրդ, ավագանիներ և այլն, ինչպես նացիստական գերմանիայում»:

29.12.2020թ. – Fuad Əliyev.

«Այս բորենիների ազգի սերունը ոչնչացնել է պետք։ Սրանք այնքան անպատկառ, անինքնասեր, անարժեք, անամոթ ցեղ են, որ դրանց պետք է հավաքել և ողջ-ողջ թաղել։ Հետո էլ ասում են՝ եկ, հայի հետ միասին մի տեղում ապրիր։ Այս փալաս ազգի հետ նույն տեղում ապրել կլինի…»

06.10.2020թ․ – Azərbaycan Türkcəsinin Dirilişi.

-Փաշա՛, հայ-թուրքական ընկերության մասին ի՞նչ կարծիք ունես։

Էնվեր Փաշա -Միկրոբը չի՛ կարող մարդու հետ ընկեր լինել:

01.11.2020թ. – Sova Asi.

«Գողանալն ու տիրանալն ինչպիսի՞ զգացողություն է։ Դա անել կարողանալու համար անխիղճ, դավաճան, կեղծարար, ագրեսոր, շողոքորթ, անմարդկային, անամոթ, անհայտ, հիմար, անինքնասեր, ստախոս, ահաբեկիչ, մի խոսքով՝ հայ է պետք լինել։ Սա անել կարողացող երկրորդ ազգ չեմ ճանաչում։ Դժբախտ ես, որ հայ ես»։

Toggle